कुकली 41 खोन 45 हाबिच् रेयाक् जोबाब ओलमे। 5 × 5 = 25
जैक बोर्ड संताली आ़ति दीर्घ प्रश्न उत्तर
(धा़ती दो चेत् लेका बेनाव लेना धारती सिरजा़उ रेयाक् काथा )
प्रश्न 41. धा़रती सिरजा़व रेयाक् काथा ओल सोदोरमे ।
उत्तर :- आ़गिल हापड़ामको को ला़इ आ़गू वाकात् बाङमा ओ़त आर सेरमा, होय आर दाक् , जोतो दो मित् माराङ ठा़कुराक् सिरजोन गे। माराङ ठाकुर गे सानाम जान - जानवार, चिउटी - पिपड़ी, रूक - बिरित आर मानवा हो़पो़न दोय सिरजा़उ आकात् कोवा। उनी गे आ़क् गुयिच् आर उनी गे इक्दीयिच् दो। पा़हिल दो काथाय एकेन दाक् ताहें काना आर ओना दाकृ रे हो़रो़, मांगाड़, तायान, लेण्डेत् ,काटकोम आर हाको एमान दाक् जानवार को ताहें काना।हासा दो दाक् लातार रे ताहेंकाना।
खान गे माराङ ठाकुर दो मानवा होपोन बाक् नावकोय मेनवाना। आर मालिन बुढ़ी बेनाव लाहा केदे ते माराङ ठाकुर दो आयाक् कोड़ाम रेयाक् मैला़ पोटर काते मा़लिन बुढ़ी एमा देया आर आच् मुठा़न बारया मानवा हो़पो़न बेक् नावे मेता देया। मालिन बुढ़ी दो मानवा हो़पो़न बेनाव काते ठाकुर जी जिविय कोय केदेया। खान ठाकुर जी दो मालिन बुढ़ी दो ओना ओड़क् रे मेनाक् सेनेर रेयाक् जिवी आ़गूय मेतादेया। मेनखान मालिन बुढ़ी दो गिडरी गे ताहें कान ते सेनेर रेयाक् दो बाय तिया़क् दाड़ी यादा। ओनाते साते रेयाक् जिवी आ़गू केदा आर उनकिन मानवाय एमाअ् किना। खान गे उनकिन मानवा दो किन चेड़े गोत एनाकिन। आर उनकिन चेंड़ें दोकिन बेनाव एना " हॉंस - हा़सिल " चेंडें आर किन उडाउ गोत् एना ।
आदो काथाय ओतमा ओकारे हों बाङ ताहेंकान , ओकारेकिन आबोक्आ । आदो दाक् चेतान रे सिञ सादोमाक् मोचा फोतो ताहें कान ओना रे ठाकुर जी दो आबोक् ए मेताक् किना । हॉंस - हा़सिल दाक् चेतान ओना फोतो दो दाक् रे ताहेंकान सेयालोम रे आ़तू मित् एना ठाकुर जी को ओना सेयालोम रे सिरा़मे जानाम ओचो केदा। हॉंस - हा़सिल दो ओना सिरा़म रे बारया किन बेले केदा। ओनाकिन बेले खोन काथाय बारया मानवा हो़पो़न किन बुसा़ड़ एना जानाम एना किन। आर किन जानाम एनते हॉंस हा़सिल दो नोवा रेयाक् भाबना चाड़हात् किना जे:-
हाय -हाय, जालापुरी रे!
हाय- हाय, नुकिन मानेवा!
हाय - हाय बुसा़ंड़ आकान किन!
हाय- हाय नुकिन दो़हो़किन ?
हाय- हाय तोकारे दोहो किन ?
माराङ ठाकुर हॉंस हा़सिल चेंडें याक् आरोंजे आञ्जोम केत् ते ओ़त बेक् नावे मेनवाना। उनि दो दाक् जानवार रे हो़हो़वात्कोते दाक् लातार खोन हासा राकाप्ए मेताक् कोवा। सानाम जानवार पा़रि - पा़री ते हासाको राकाप् - राकाप् कादा, मेनखान बाको राकाप् दाडे़यादा । सेस उता़र रे लेण्डेतए हेच् एना आर होरो दाक् रे तेगों ओचो केदिते उनियाक् देया रे, हासा राकाप डांङ केदा। आर ओना गे काथाय ओत से धा़रती दो होय एना।
(संताली सोहराय सेरेञ सोहराय पोरोब सेरेञ)
प्रश्न 42. ञिन्दा - ञुता़ बिटिम दांड़ान काना,
होड़ को रोड़ा बिटी। राजा पाड़ा
वैसी रे बाबाम दुड़ूप लेन रे,
होड़ को रोड़ सांवते हेलेजिञ में।
नोवा रेयाक् भावते ओलमें।
उत्तर :- हो़पो़न एरा, मिस एरा से कुड़ी गिदरा़ जाहां को सेच् ञुत- ञिन्दा एसकार दाड़ान दो - गो़ बाबा, बारेत कोवाक् मान - मानो़त हेनो़स्ता बाराग गे। एन्ते ञुत- ञिन्दा होर - बिर रे चेत् चो हो़यो़क्आ बाङ होयोक्आ ओना रेयाक् बुगी - बा़ड़िच् दो उनी सॉंव- सॉंव ते गो़ - बाबा आर बारेत तेको़ओवाक् बो़हो़क् रेगी पाड़ाक्आ। एन्ते हो़पो़न एरा, मिस एरा रेन ओवारिस दो़ ओ़नको़ को़गे । ओनाते आपातते दोय मेताय काना जे - ञिन्दा - ञुता़ बिटिम दांड़ान काना ; होड़को रोड़ा बिटी लाजा पाड़ा । आम दो आले कोवाक् मान - मानोत ईज्जा़त दोम बोहेला । आपा - बारे बो़हो़क् दा़हड़ी दोम ञुरहा़या ।
मेनखान हो़पो़न एरा हों आपातते ए रोड़ रूवा़ड़ आय काना। बाङ बाबा आपेकोवाक् मान - मानो़त दो ओ़हो़ञ बुहेल ओ़चो़वाक्आ । आ़पुञ - बारेञाक् बो़हो़क् रेयाक् दा़ड़ही दो़ बा़ञ ञुरहा़ ओ़चो़वाक्आ । आर बैसी ताला बाबाम दुड़ूप लेन रे, होड़को रो़ड़ सॉंवते हेलेजिञमे ।
(क्लास 9वीं 10वीं का संताली का़थनी आर गा़थनी का प्रश्न उत्तर )
प्रश्न 43. ऐदरे ते होड़ चेत् को चेकायेत् काना ?
उत्तर :- ऐदरे ते होड़ दो बुगी - बा़ड़ीच् जोतो को चेकायेत् काना ।
ऐदरे दो बार लेकाना :-
मित् ऐदरे दो आ़डी बा़ड़िच्आक् काना। ऐदरे लेन रे होड़ चेत् बाय बा़ड़िच् एदा ओड़ाक् ए ञिर बा़गियाक् काना, आच् रेनको खो़ने बेगारोक् काना, गाते तो़नो़ले तोपाक् एदा से आर - आर आ़डी लेकानाक् बाड़िच्आक्ए का़मीयेदा ।
ऐदरे ते होड़मो हों बा़ड़िजोक्आ । आझॉंट ऐदरे दो सिञ - ञिन्दा सुई ते लेका मोने ओ़न्तोरे पा़टिया आर सुलुक् निरा़इ दो बाय टाहटाव ओचोवाक्आ। ऐदरे दो ' काल ' हों को मेन आकावादा । ओका -ओका मा ऐदरे आकान होड़ बोगे - बा़ड़िच् से लाहा - तायनोम हों बाङको ञेल ठीक, आर बाङ गानोक्आक् को होंको गान ओचोय। नोआ लेकारे ऐदरे ते आ़डी - आ़डी लो़कसान हों होयोक् ताकोवा आर तायोम ते ओना ला़गित् दोको कासतावाक्आ ।
आर मित् लेकान ऐदरे दो सुलुक निरा़इ रेयाक् काना। ओका आपनार का़बू रे दो़हो दाड़ेयाक् हा़बिच् ऐदरे दो बा़ड़िच्आक् दो बांङ काना। आपनार बाङचाव ला़गित् काना। नोवा दो मानवां को वाक् मित् टेन जो़नो़म - भा़सी गे । नोवा लेकारे आपनार सुलुक निरा़इ रेयाक् आको़ट ठाक्केत आक् को जो़तो़ ओचोक् गिडीय साना गे ऐदरे दो़ । नोवा दो मित् लेकान दाड़े गे, ओने ओका होतेते जियो़न - ला़डहाई रे ढेर गो़ड़ो ञामोक् । ऐदरे दो साधरीन आर जा़रुड़ जिनिस लेकानाक् काना, ओने ओका आकोट ठाक् केताक्आ ओचोक् गिडीय ला़गित् मित् लेकान दाड़े से मुरूक सिरजा़उक्आ काना। ओना दाड़े से मुरूक से ऐदरे दो जियोन ला़गित् जा़रूड़ाक् गे। नोवा लेकारे बाङ ऐदरेक् होड़ दो़य ओ़काज गेया, बाङ मुरूको़क् होड़ दोय निखा़टुवा़ गेया।
बंङ खान ( अथवा )
पे पावा चावले का़हनी रे मेनाक् ' मित् टिका़क् सिन्दूर ' का़हनी खाटो ते ओलमे।
उत्तर :- नोवा पे पावा चावले का़हनी रे मेनाक् ' मित् टिका़क् सिन्दूर ' का़हनी दो आ़डी बेस का़हनी काना। नोवा का़हनी ताला ते ला़य सोदोर आकाना जे रूप गो़रो़ब रेयाक् दो बाङ बेसा आर रूप रेयाक् गो़रो़ब लेखान चेत् दोसा हुयुक्आ ओना को गे आ़डी बेस ते ला़य सोदोर आकाना।
मित् टेच् आतो रे पेया हारा गौदोक् जूवान कुड़ी सुरूजमुनी, रूपमुनी आर बाहामुनी को ताहें काना। नोको पेने कुड़ी होपोन दो आ़डी चेहरा चोरोक् कुड़ी को ताहें काना। पाता - छाता, मेला - ठेला, बापला - बिहा़ एमान जाहां से गे पेने मित् तेगे को दाड़ान कान ताहें काना । आर मित् गे किचरिच् हों को लादेयेत ताहें काना।
नोको दो दिन गे बाजार का़मी को चालाक् कान ताहेंकाना। होड़ू रोहोय दिन हों बाजार का़मी गे को चालाक्आ । ओका दो ञहुम - ञिदा़ को हिजुक्आ आर ओका ओका दो मित् हापता तायनोम होंको रूवाड़ा नावां - नावां साड़ी , ला़डू - मिठा़ई, टाका - पोयसावान ते नोवा को ञेलते ओड़ाक् रेन दो चेत् हों बाको मेता कोवा। आर रायबार को को हिजुक् खान दो ओड़ाक् रेन गे काथा दोको खांजेड़ बाड़या।
नोको पेने कुड़ी दो रूप गो़रो़ब इया़ते आतो रेन कोड़ा को दो बाको रोड़ाको कना ताहें काना। ओना ते मित् दिन रिझू हाड़ाम दो सेरेञा ते रूपमुनीय मेता देया
' रूप गो़रो़ब दो सा़री बाङ बेसा '
धिना़न जो़रो चाबाक्आ रुप रासा।
गो़सो़ बाहा लेकाम ञेलो़क् जोखोन।
ओ़को़य सानायेया खो़ज तो़खो़न ।।
थोड़ दिन तायोम सुरूजमुनी दोय हुदिस याम केत् तेय ठांवेना । रूपमुनी आर बाहामुनी दो रूप गो़रो़ब गे मेनाक् ताकिना। आर थोड़ा किन गो़सो ञोक् एन खान चिली हों बाको कोयोक् आकिना। जहां लेका बरनपुर सेच् रेन पा़उरा़ ञूञू कोड़ा हा़टिया खोन रूपमुनी दोय इतुत् केदेया। ओड़ाक् रेन दो ओका रेको पांजायेये एन हिलोक् गे रूपमुनी दोय बुझा़उ केदा जे मित् टिका़क् सिन्दूर दो तिनाक् दामानाक् काना।
आर बाहामुनी नित हों मित् टिका़क् सिन्दूर ला़गित्ए हाट बाड़ाय काना। मेनखान नितोक् दो गोसोयेन खान ओकोय पुछावेया । ओना ते आयो होड़ दो आ़डी हुदिस कते ताड़ाम हो़यो़क् ताकोआ।
(संताली व्याकरण का दीर्घ प्रश्न उत्तर Santhali Grammar ka question answer )
प्रश्न 44. बेनाव आकान लेकाते ञुनुम दो तिना़क् हा़टिञा पारतुल सेलेत् ओलमे ?
उत्तर :- बेनाव आकान लेकाते ञुनुम दो पे हिड़ीञ रे हा़टिञ आकाना।
(1) बेखांड ञुनुम (रूढ़ी संज्ञा )
(2) जोड़ाव ञुतुम (यौगिक संज्ञा )
(3) जो़ड़ बेखा़ड ञुनुम ( यौगरूढ़ संज्ञा)
(1) बेखांड ञुनुम :- बेखांड ञुनुम दो ओना ञुनुम काना, ओकाटाक् रेयाक् साबाद केचाक् ( शब्द खाण्ड) दो बेमानेवानाक् ( निरर्थक) गेया। जे लेका उल जुदी उल साबाद उ आर ल केचाक् लेखान नोवा रेयाक् दो जाहांन माने दो बाङ होय दाड़ेयाक्आ ।ओना इया़ते नोङकान साबाद दो बेखांड ञुनुम काना।
जे लेका - उल, था़री, डा़र, लाच् एमान।
(2) जोड़ाव ञुनुम :- जोड़ाव ञुनुम दो ओना ञुनुम काना ओकाटाक् दो बारया मानेवानाक् साबाद जोड़ाव काते बेनाव काना। जे लेका बाबा, जुदी बाबा साबाद बा + बा केचाक् लेखान, ओना केचाक्आका साबाद रेयाक् माने हों ओना माने गे होयोक्आ, ओकाटाक् दो आ़वरी केचाक् रे ताहेंकान । नोङकान साबादको दो जोड़ाव ञुनुम दो मेताक् काना।
जे लेका :- गो़गो़, बाबा, दादा, दीदी एमान।
(3) जोड़ बेखांड ञुनुम :- जोड़ बेखांड ञुनुम दो ओना ञुनुम काना ओकाटाक् दो साबाद केचाक् रेयाक् माने बा़गी काते एटाक् माने होयोक् काना। जे लेका :- एंगात् + आपात = ओवारिस ।
बाङखान ( अथवा)
चालाक् कान ओक्ते रेयाक् दो तिना़क् हा़टिञा पारतुल सेलेत् ओलमे।
उत्तर :- (क) तचालाक् कान ओक्ते :- का़जनुम रेयाक् ओना रूप ओकाटाक् होते ते दो नित् हों का़मी होयोक् कान रेयाक् बाडायोक् ओना दो चालाक् कान ओक्ते को मेताक्आ। जे लेका :- उनी दो़य ओ़ल एदा।
चालाक् कान ओक्ते रेयाक् हा़टिञको
चालाक् कान ओक्ते रेयाक् दो पेया हा़टिञ मेनाक्आ :-
(1) साधारण चालाक् कान ओक्ते
(2) दिग्धा़ चालाक् कान ओक्ते
(3) बेपुरा़उ चालाकी कान ओक्ते
(1) साधारण चालाक् कान ओक्ते :- ओकाटाक् होते ते दो का़मी चालाक् कान रेयाक् बाडायोक् मेनखान खा़टी उता़र दो बाङ बाडायोक् । नोवा ते का़मी पुरा़उ से बाङ पुरा़उ एमान बाबोत दो बाङ बाडायोक्आ । जे लेका :- गाडा रे दाक् आतुक् काना। रामू दोय पाड़हाक् काना।
चेतान रेयाक् आ़या़त् रे बेवहार आकान ' आतुक् काना ' , 'पाड़हाक् काना' नोवा काजनुम होते ते नोआ गे बाडायोक् काना जे का़मी दो होयोक् काना मेनखान खा़टी - खा़टी गे होयोक् काना से बाङ , बाडायोक् काना तोबे नोङकान का़जनुम होते ते दो साधारण चालाक् कान ओक्ते रेयाक् बाडायोक् काना।
(2) दिग्धा़ चालाक् कान ओक्ते :- ओकाटाक् होते ते दो का़मी होयोक् कान रेयाक् दिग्धा़ रे बाडायोक् कान , मेताक्मे खा़टी - खाटी दो बाङ बाडायोक्। जे लेका :-
उनी दो़य हेच् बोतेजोक् काना।
उनी दो़य पासेच्ए डा़बराक् काना।
चेतान रेयाक् आ़या़त् रे बेवहार आकान ' हेच् बोतेजोक् कान' , ' पासेच्ए डाबरा़क् कान ' नोव काजनुम होते ते का़मी एहो़प आकान रेयाक् दो बाडायोक् कान गेया मेनखान खा़टी दो बाङ बिचको़म दिग्धा़ गे बाडायोक् काना।
(3) बेपूरा़उ चालाक् कान ओक्ते :- का़जनुम रेयाक् ओना रूप ओकाटाक् होते ते दो का़मी एहो़प आकान, नित हों चालाकी कान आर आ़उरी मुचा़दोक् बाबोत बाडायोक् कान ओना दो बेपुरा़उ चालाकी कान ओक्ते को मेताक्आ।
जे लेका :- उनी दो जो़जो़म तेगे मेनाया।
इञ दो ञुञू तेगे मिना़ञा ।
चेतान रेयाक् आ़या़त् रे बेवहार आकान ' जो़जो़म तेगे मेनाया ' आर ' ञुञू तेगे मिना़ञा ' का़जनुम होते ते दो का़मी होयोक् काना आर बाङ पुरा़उ आकान रेयाक् बाडायोक् काना।
प्रश्न 45. जाहां गे मित् टेन रेयाक् ओनोल ( निबंध) ओलमें ?
(क) बाहा पोरोब निबंध के लिए यहां क्लिक करें 👇
उत्तर pdf link 🔗 बाहा पोरोब निबंध
(ख) रेंगेच् होड़
(ग) सिदो-कान्हू निबंध लिखने के लिए यहां क्लिक करें 👇 👇
उत्तर PDF link 🔗 👇👇 सिदो-कान्हू निबंध
YouTube पर विडियो देखने के लिए यहां क्लिक करें 👇
कोई टिप्पणी नहीं:
एक टिप्पणी भेजें