Class 12th subjective Question Answer pre test Answer key 12वीं क्लास का संताली महत्वपूर्ण दीर्घ एवं अती दीर्घ प्रश्न उत्तर जैक बोर्ड

 

Class 12th subjective Question Answer pre test

प्रश्न 31. सिरजोन गायान पुथी दो ओकोये ओल आकादा ?
उत्तर :- सिरजोन गायान पुथी दो डॉ. कृष्ण चन्द्र टुडू ओल आकादा।

प्रश्न 32. ञुत आर मारसाल का़हनी रे मुंशी रेन ओड़ाक् बोंगा दो ओका तेय चालाव एना ?
उत्तर :- आको ओड़ाक् ते

प्रश्न 33. डोमन साहू समीर ओलाक् का़हनी 'सुक आर दुक' ते चेत् सिखा़वना ञामोक् काना ?
उत्तर :- रेगेंच् होड़ाक् सुक - दुक से किसा़ड़ होड़ाक् सुक - दुक। सुक आर दुक दो सानाम होडा़क् गे ताहेंन काना । मेनखान ओकोय होड़े तिरपितोक्आ उनी गे आसोल सुक दोय ञामा। ओना ते तिरपितोक् गे आसोल सुक दो़। नोवा का़हनी ते दो नोवा गे सिखा़वना ञामोक् काना।

प्रश्न 34. 1857 साल रे जुमिंनदार बाबू कुआ़र सिंह दो चेदाक् ए लाड़हा़य लेना ?
उत्तर :- आपनार भारत गो दिसोम इॅंगरा़ज को ठेन खोन सा़धिन ला़गित्।

प्रश्न 35. सावना एंगात् दो चेदाक् मेंत् दाक् जोरोयेन ताया ?
उत्तर :- चेले सावना आच् गो़ , नापाय गे मेनाक् बाड़ा पेया थो़। ओ़नो़लिया़ वाक् नोवा काथा आञ्जोम ते सावना आच् गो़ दो मेंत् खोन मेंत् दाक् दो हिडिर मारते जो़रो़ गोत् एनताया।

प्रश्न 36. ' बा़पुड़िच् किन ' का़हनी रे ओका चांदो रेयाक् सेतोङ बाडायोक् काना ?
उत्तर :-  झेट चांदो रेयाक् सेतोङ बाडायोक् कान।

प्रश्न 37. हेन्दे गा़य का़हनी रे लिढू आर चान्दराय दो ओका रेकिन दुड़प् आकन ताहेंकाना ?
उत्तर :- लिढू आर चान्दराय दो़ कुल्ही पिण्डा़ रेकिन दुड़प् आकान ताहेंकाना।

प्रश्न 38. 'साना ओनोड़हें ' ओकोय ओल आकादा ?
उत्तर :- मानोतान डमन हॉंसदा

        Section - B  3 × 6 = 18
Answer any six questions.
Answer the questions in maximum 150 words.

प्रश्न 39. "सेताक् रे बेरेत् काते उम काते नाड़का काते चॉंदो ञुतुम दियाड़ा बा़ति दे जेरेत् में।"  नोवा रेयाक् बा़ड़ती काथा ओलमे।
उत्तर :- नोवा दो मित् नेहोर सेरेञ काना -
  सेता: रे बेरेत् काते उमकाते नाड़काकाते ,
  चॉंदो ञुतुम दियाड़ा बा़ति दे जेरेत् में ।।
  सिञ चॉंदो दो सिसिरजाविच्
  आयो बाबा दोरे जो़नोम दाता ।।
नोवा सेरेञ आञ्जोम काते इपिल दो ऐंगेले कुलियदेया , दा़ई ऐंगेल , सेता: रे बेरेत् काते उम फारचाकाते चांदो ञुतुम दियाड़ा बा़ति, दिना़मगे चेदा: एम जेरेदा ?
  आद़ो ऐंगेल दोय रोड़ रूवा़ड़ केदा, मा़ई इपिल , बाडायाम नोवा जेगेत् दो चॉंदो बोंगावा: सिरजोन ते सिरजा़व आकाना। माराङ बुरूवा: ओङ दाड़े ते होय, दा: , सेंगेल, हासा एमान सिरजा़व आकाना। नोवा तेतेद को दो मित् लेताड़ , जेगेत् रे आ़चुर आकगे ताहेंनकाना , आर नित हों मेना: आ।

प्रश्न 40. माराङ बुरू वाक् कुकली " बोंगा दो चेकाको ञामोक्आ ? " रे सिरजोनाक् तेला ओलमें ?
उत्तर :- सिरजोनाक् तेला - एहो माराङ बुरू! जाहॉंय मानवा गे , बोंगा खोंड बेनावकाते , बोंगा ञुतुम काते बाहा, जो, साकाम , गुड़गोतोम आर इञ ञुतुम लोटा दा: दोड़ोम काते नेहोर आनिभावित लेखान, बिनती बॉंखेड़ काते सोपरोत लेनखान बोंगा दोय ञामो: आ ।

प्रश्न 41. 'डमन हॉंसदाक्' ओनोलिया़ बाबोत खाटो ते ओल में ।
उत्तर :- मानोतान डमन हॉंसदा आक् जानाम दो नाहाक् झारखंड पोनोत रेयाक् पुर्वी सिंहभूम जिला चाकुलिया थाना रेयाक् बोड़डीह कानपुर आ़तू रे मा़हित 01 जुलाई 1930 ई0 सेरमा रे हुयलेन ताहेंकाना ।  आर मा़हित 22 अगस्त 1992 ई0 सेरमा रे नोवा धुड़ी धा़रती दो जाय - जुग ला़गित् ए बागियादा।
           आच् आयो वाक् ञुतुम दो मानोतिया़ छिबो हांसदा आर आपात ञुतुम दो मानोतान फा़गू हांसदा ताहें कान ता़किना । मानोतान डमन हॉंसदा दो आतू स्कूल खोन बिनिड पास तायोम, घाटशिला स्कूल ते पाड़हाक् ए चालावेना । घाटशिला स्कूल रे पाड़हा कान ओक्ते गे संताली पा़रसी सांवहेत् रेन माराङ का़वि मॉंझी रामदास टुडू रा़स्का़ सांव दो ञेल ञेपेल उपरूम हुयलेन ताहेंकानताया । मॉंझी रामदास टुडू रा़स्का़ गोमकेया: ' खेरवाड़ बोंसा धोरोम पुथी ' छापा सोदोर रे आ़डीलेकान गोड़ो सोपोहोत् ए एमलेत् ताहेंकाना । मानोतान डमन हॉंसदा दो मित् आ़डी नापाय माचेत् होंय ताहेकाना । सानताड़ी पा़रसी सांवहेत् हारा राकाप् ला़गित् बांगला, देवनागरी आर ओलचिकी आखोर ते आ़डी गान ओनोड़हें , ओनोल, का़हनी, गायान पुथीकोय ओल आर छापा सोदोर आककात्आ ।  जे लेका 'गुलांच बाहा' ओनोड़हे 1953 ई0 , 'गालाङगेले' ओनोड़हें 1956 ई0 , ' इञ दो ओकोय ' ओनोल 1985 ई0 , 'रोमझोम पाता मा़ई' ओनोल 1991 ई0 एमान एमान को ।  ' 'रायबार' पत्रिका 1985 ई0 आर 'उमुल' पत्रिका 1986 ई0 खोने पारसालेत् ताहेंकाना ।

प्रश्न 42. ठाकुर प्रसाद मुर्मू दो चॉंदो ठेन चेत् ए कोयजोङ काना ?
उत्तर :- ठाकुर प्रसाद मुर्मू वाक् चॉंदो ठेन  कोयजोङ दो नोंङका लेका कान ताया -
आ़डी होड़को कोयेत मेया आ़डी लेकाना:
     हेच् आकानाञ, इञ हों ए चॉंदो,
         आमा: जाहेर ते कोयजोङ
      सॉंहास आर दुक सा:हाव दाड़े ।

    सॉंहास इमाञमे नोङका जेमोन,
       दुक ञेलते आलोगिञ पांचों:,
     बोतोर गे होय दा: ञेल काते
  उमुलो: दो आलोगिञ दाड़ उकुन ।

    दुक सांवतिञ तापामो: आ,
ओनकान तापाम दाड़े इमाञमे बाड़े,
  आर जितका़रो गियाञ खांटी गे
चेदा: जे बिर को लेका़ञ तापामा ।

जॉंहा तिना: माराङ , जॉंगे दाराम गे,
हिजू:मा  इञ सामाङरे ए चॉंदो,
   इमा़ञमे नोङकान दाड़े जेमोन
सानाम जॉंगे दारामिञ रा़पुत् दाड़ेया:मा ।
      दुक दोरया खोन ओवारिञ में ,
ओनका दो बाङ इञ मेताम कान,
ढिप ते पायरा ओडोको: दाड़े बाड़े
    इञ दो दाया काते इमा़ञ में ।
हामाल आकान गो: तिञ इञा:,
  रा:वाल दो बाङ तिञ मेताम कान ,
  हामाल गो: तिञ गो: ला़गित्
   दाड़े बाड़े इमा़ञ में चॉंदो ।
सेन्दरा ञापाम सुक जुदी जॉंहा हिलो: ,
आलो हिंजू:मा ओहोङकर तिञ मोनेरे ,
सुक आर दुक दो आमा: गे थुम कान
नोङका बाडाय काते बोहोरिञ आताङमा ।
       सॉंवाय ओक्तो रिन गाते जेते,
    बा़गिया़दिञाको आकाल रे,
   बा़गि ओचोको ए चॉंदो
धिरिज बाड़े मोने रितिञ जोगाव दाहोयमे ।
       सेन् सेन् ते दिन को हों ,
       मुचा़त् हेच् इदी: कान,
       मुचा़दो:मा ए चॉंदो
      ओनारे मोन दुक हों बा़नूआन ।
चेदा: जे दिन दो
मित् दिन मुचा़दो: गेया,
मेनखान आमा: सांव दो ए चॉंदो
तिस रेहों आलो गे मुचा़दो:मा ।

प्रश्न 43. बिरसा मुंडा फुरगाल ( लड़ाई ) चेदाक् होय लेना ?
उत्तर :- बिरसा मुंडा गे आको जा़त रेन होड़ दो बिरसा भगवानको मेताया । मेनखान नाहाक् दो गोटा दिसा़म रेन होड़ उनी भगवान बिरसा मुंडा ञुतुम तेको बाडाया । उनी दो़ संताल जा़त ला़गित् ते जे लेका सिदो-कान्हू आकिनाक् जिवी आलाय काते दिसा़म आर जा़त बाञ्चाव ला़गित् किन ला़ड़हा़ई लेना , ओनाका‌ गे मुण्डा जा़त ला़गित् बिरसा मुंडा हों जिवी आलाय काते आर दिसा़म रूखियाय ला़गित्ए ला़ड़हा़ई लेना।

बिरसा मुंडा निबंध PDF link 

प्रश्न 44. सोहराय पोरोब रेयाक् मित् टेन गाय जागाव सेरेञ ओलमे ।
उत्तर :-
को ना़हिं सिरिजाला बोमा - पिरथिमी हो ?
को ना़हिं सिरिजाला गइया जो़; यो रे!
को ना़हिं सिरिजाला गइया जो़ ?
ठा़कुरा़हिं सिरिजाला बोमा - पिरथिमी हो ;
ठा़कुरा़हिं सिरिजाला गइया जो़; यो रे!
टिरमुटी सिरिजाला का़नू रे गोवाला;
पुरूवा़हि डाहारली गइया जो़; यो रे!
पुरूबा़हिं डाहारली गइया जो़ ।।

प्रश्न 45. जा़पुत् दिन बाबोत ओल सोदोर में ।
उत्तर :- आबो भारत दिसा़म रे दो़ तुरूई गोटान ऋतु मेनाक्आ । मेनखान ओनाको मोद रे पेया आसोल दो काना दाक् दिन, राबाङ दिन आर सेतोङ दिन। दाक् दिन दो आषाढ़ चांदो खोन एहोबोक् काना आर भादोर चांदो हा़बिच् ताहेंन काना ।
    दाक् दिन चा़सी होड़ ला़गित् आ़डी पोरहोवानाक् काना । चेदाक् जे चास का़मी दो दाक् दिन रेयाक् काना। दाक् दिन रे सेरमा दो हेन्दे रिमिल ते पेरेजोक् काना। चासा होड़ दो नोवा हेन्दे रिमिल ञेल लेखान गे दाक् सेटेरोक् कान रेयाक् खोबोर को ञामा। आदो आकोवाक् इता़ रा़नू खेत् बाड़गे कोरेको एरा आफोरा । दाक् ञुरूक् एहोबोक् तेंगे आफोर दो दारेक्आ । दाक् लेखान गे चा़सि कोदो आडी रा़सका़ सेलेत् का़मी को एहोबोक्आ । आयो होड़ कोदो गा़छीको तोदा आर बाबा होड़ कोदो को सिया़क्आ । लोसोत् खेत रेदो बोछोर दिन ला़गित् जोमाक् दाक् दिन रे गेको का़मी जोङा ।
          दाक् दिन रे दो गोटा धा़रति हारिया़ड़ गे ञेलोक्आ । खेत बाड़गे रेदो चास आर टा़ण्डी रेदो घास हारिया़ड़ गे जानाम कोक्आ । गाडा सोडोक् बॉंद आर पुखरीको दो दाक् ते चोड़ोम चोड़ोम पेरेच् कोक्आ । धा़रती रे नाना - हुना़र दारे ना़ड़ी को जानाम कोक्आ। सानाम होड़ को ला़गित् दाक् दिन दो आडी रा़सका़ वानाक् दिन‌ काना ।
         मेन खान ओने को मेना हिसा़ब खोन बा़ड़ती लेन खान हेड़ेमा हों हाड़हादोक्आ आर हिसा़ब खोन बा़ड़ती लेन खान रा़सका़ वाक् हों दुका रे बोदोलोक्आ । जे ओका ओका दो आडी बा़ड़ती दाक् लेखान हों होड़, जाल - माल हों डुबा़ तेको  गोजूक्आ आर ओडा़क् दुवार चास - बास हों बा़ड़ी चाबाक्आ । आर ओका ओका दो बाय दाक् लेखान हों होड़, जाल - माल दाक् तेताङ आर आकाल ते को गोजूक्आ आर दारे ना़ड़ी हों दाक् बाङ ते गोजूक्आ । ओनाते जाहांनाक् गे से जोतोवाक् गे हिसा़ब रे ताहें लेन खान गे बेस से बोगी दो होयुक्आ ।

प्रश्न 46.दिसा़म भोक्ता ञुतुम पुथी लेकाते पोनया कुकली ओल में ?

 उत्तर :- दिसा़म भोक्ता पुथी रे मिनाक् 'पो़नया कुकली' का़हनी रेन ओलोक्इच् दो मानोतान बाबूलाल मुर्मू 'आ़दिवासी' गे। आर नोवा दो आ़डी सोरोस का़हनी काना।
      मित् दिन ढेना दो नावडीहा़ सेच् ए चालाक् कान ताहे काना। उनी दो राजो़ड़ पाण्डरा पारोम काते तुका- लोबान्धा आ़वरी तिया़ग रेगे ताला बा़यहा़ड़ रे दाक् ञाम केदे ते उनी दो बान्दो़रचुवॉं तेय ञिर राकाप् एना। आर उनी दो ओण्डे गे मित् टेन दुकान रे उमुलेना।  दाक् थिर केत् खान। उनी दो हिजुक् जोखेन रंगू गो़ड़ोम बाय ञाम केदेया। उनी हों नावाडीह सेच् गे चालाक् कान ताहे काना। ओना ते उनकीन दो सोंगे सोंगे किन चालाव इदी येना।
           आदो होर रे गे ढेना दो रंगू गो़ड़ोम बाय कुलीय दिया। आछा, गो़ड़ोम बा मित् काथाञ कुलिमेया , ला़इया़ञा़म ? आदो रंगू गो़ड़ोम बा हों ला़याये हें केत् खान, ढेना दोय मेन केदा तोबे गो़ड़ोम बा कुकली दो पो़नयावा आर पा़हिलाक् दो काना -  " न्होंडे मेनाया, हाण्डे दो बाङ । " ओ़को़य कानाय , उनी दो़ ?
दोसार दो काना - " हाण्डे मेनाया, न्होंडे दो़ बाङ । " नुइ हों आदो़य ओ़को़य काना ?
तेसाराक् दो कान - " न्होंडे हों बा़नुया , हाण्डे हों बा़नुया। " आरहों नुइ दो़य ओ़को़य काना ?
आर पो़नाक् दो काना - " न्होंडे हों मेनाया, हाण्डे हों मेनाया ।" नुइ दो आरहों ओ़को़य होड़ काना ? नोवा को कुकली आंञ्जोम काते रंगू गो़ड़ोम बा दोय लान्दा केदा। एन्ते उनी ला़गित् दो नोवाको कुकली दो उना़क् गे आलगा ताहें काना, तिना़क् दो गोल ते सेरेञ आर केवा ते कारहाय । ढेना दो गो़ड़ोम बाय लान्दा केत् तेय मेन केदा,  गोड़ोम बाम लान्दा वा़ञ काना। ओका लेका ना़इहा़र रे एरविलिञ कुड़ी कुली तुबूत् लेदिञा । 
           आदो गोड़ोम बा दोय मेन केदा आलोम भावनाक्आ उटी - उटीञ ला़यामा । आदो चालाक्- चालाक् ते गुम्मा टीचर्स ट्रेनिंग इस्कूल से रे मित् टेन हारा गो़त्इच् आ़डी चोरोक - चेहरा , माराक् चेंड़ें लेका बिया़ल बो़यो़ल कुड़ी किन ञेल केदेया। 
     आदो चालाक्- चालाक् ते आरहों तितरिया आतो कुल्ही मुचा़त् से रे मित् टेन रोहो़ड़ थाकव आकान, पाञजरा को झालका कान ताय "को़य" किन ञाम केदेया। आर थोड़ा - थुड़ी जोमाक् , पायसा को एम काते किन चालाव एना।
     आदो होर हों चालाव - चालाव ते तितरिया बिर से रे मित् टेन बाबा जी का़उडी ओ़रो़ङाते राम राम बाखेंड़ किन ञेल केदेया। आर कुली बाड़ा काते ओण्डे खोन हों किन चालाव एना।
  आदो सेन - सेन ते मॉंहडा आतो किन तियाक् केदा। ओण्डे दो मित् टेन किचरिच् हा़टिञ बाड़येत् कान होड़ किन ञेल केदेया। उनी दो आ़डी किसा़ड़ होड़े ताहें काना। ओ़न - धो़न दाया - मायॉं आर से हो़पो़न एमान ते हों आ़डीतेत् गेय ताहें काना।
   आर गालमाराव गालमाराव तेगे किन चालाव इदी येना आर बेरा होय हा़सुरेना। आदो ढेना दोय मेन केदा ओकोर गोड़ोम बाम तेला दो ला़या दिञ । आदो रंगू गो़ड़ोम बा दो रोड़ रूवा़ड़ केदा ओने हो मेंतेम ञेल केत्।  पा़हिल दो - गुम्मा इस्कूल से रे सेंगेल लेकान कुड़ी दोमट ञेल लेदेया से बाङ ?
दोसार दो - तितरिया कुल्ही मुचा़त् रे गेराङ बाडा़य को़य दोम ञेल लेदेया से बाङ ?
तेसार दो - तितरिया बिर रे का़उडी ओ़रो़ङ काते आतो सेच् को़कोय चालाक् कान बाबा जी दोम ञेल लेदेया से बाङ ?
पोनाक् दो - नोण्डे नित किचरिच् ए हा़क्टिञ कान किसॉंड़ होड़ दोम ञेल लेदेया से बाङ ?
ढेना दोय मेन केदा हें ञेल गे।
आर रंगू गो़ड़ोम बा दो भाटोन्दा सेच्ए मो़हण्डा एना आर ढेना हों नावडीहा़ सेक्ए राकाप् एना।

Blogger home page site ka link 🔗 https://sksanthalitrick.blogspot.com/