Santali Grammar ka Subjective Question Answer -संताली व्याकरण लेकाते ञुनुम (संज्ञा) दो चेत् को मेता: आ ? तिना़क् लेकाना ?

 Santhali Subjective Question Answer Grammar ka

प्रश्न 1. संताली व्याकरण लेकाते ञुनुम (संज्ञा) दो चेत् को मेता: आ ? तिना़क् लेकाना ? जोतो रेनाक् काथा को ओलमे ?

उत्तर :- जाहॉंय होड़, जाहॉंन जानवार , जाहॉंन जायगा से जाहॉंन जिनिस रेयाक् ञुतुम गे ञुनुम से संज्ञा दोको मेताक् काना ।

संताली व्याकरण लेकाते ञुनुम दो बार हा़टिञ रे हा़टिञ आकाना:- 

(1) बेनाव आकान लेकाते 

(2) माने लेकाते 

(1) बेनाव आकान लेकाते ञुनुम दो पे हिड़ीञ रे हा़टिञ आकाना:- 

(क) बेखांड ञुनुम (रूड़ संज्ञा)

(ख) जोडा़व ञुनुम ( यौगिक संज्ञा)

(ग) जोड़ बेखांड ञुनुम ( यौगरूढ़ संज्ञा)

(क) बेखांड ञुनुम :- बेखांड ञुनुम दो ओना ञुनुम काना, ओकाटाक् रेयाक् साबाद केचाक् ( शब्द खाण्ड) दो बेमानेवानाक् ( निरर्थक) गेया। जे लेका उल जुदी उल साबाद उ आर ल केचाक् लेखान नोवा रेयाक् दो जाहांन माने दो बाङ होय दाड़ेयाक्आ ।ओना इया़ते नोङकान साबाद दो बेखांड ञुनुम काना।

जे लेका - उल, था़री, डा़र, लाच् एमान।

(ख) जोड़ाव ञुनुम :- जोड़ाव ञुनुम दो ओना ञुनुम काना ओकाटाक् दो बारया मानेवानाक् साबाद जोड़ाव काते बेनाव काना।‌ जे लेका बाबा, जुदी बाबा साबाद बा + बा केचाक् लेखान, ओना केचाक्आका साबाद रेयाक् माने हों ओना माने गे होयोक्आ, ओकाटाक् दो आ़वरी केचाक् रे ताहेंकान । नोङकान साबादको दो जोड़ाव ञुनुम दो मेताक् काना।

जे लेका :- गो़गो़, बाबा‌, दादा, दीदी एमान।

(ग) जोड़ बेखांड ञुनुम :- जोड़ बेखांड ञुनुम दो ओना ञुनुम काना ओकाटाक् दो साबाद केचाक् रेयाक् माने बा़गी काते एटाक् माने होयोक् काना।

 जे लेका :- एंगात् + आपात = ओवारिस ।

(2) माने लेकाते ञुनुम दो मोड़ें हा़टिञ रे हा़टिञ आकाना :- 

(क) जा़त ला़ला़याक् ञुनुम ( जातिवाचक संज्ञा)

(ख) होड़ ला़ला़याक् ञुनुम ( व्यक्ति वाचक संज्ञा)

(ग) ढा़उ ला़ला़याक् ञुनुम ( भाववाचक संज्ञा)

(घ) दो़ल ला़ला़याक् ञुनुम ( समुह वाचक संज्ञा)

(ङ) दो़रो़ब ला़ला़याक् ञुनुम ( द्रव्य वाचक संज्ञा)

(क) जा़त ला़ला़याक् ञुनुम :- ओका ञुनुम होतेते मित् टेन जा़त भोर रेनको बाडायोक्आ , ओना गे जा़त ला़ला़याक् ञुनुम दोको मेताक् काना ।

 जे लेका - होड़, आतो, गा़य, मेरोम, बुरू एमान।

(ख) होड़ ला़ला़याक् ञुनुम :- ओका ञुनुम होतेते मित् खास होड़, खास जायगा, खास जिनिस बाडायोक्आ , ओना गे होड़ ला़ला़याक् ञुनुम दोको मेताक् काना ।

 जे लेका - तिलका मांझी, दुमका, गोड्डा, माराङ बुरू एमान।

(ग) ढा़उ ला़ला़याक् ञुनुम :- ओका ञुनुम होतेते जाहॉंयाक् से जाहॉंनाक् रेयाक् गुन,दोसा से ढा़उ बाडायोक्आ ओना गे ढा़उ ला़ला़याक् ञुनुम दोको मेताक् काना। 

जे लेका - दिलगा़रिया , सुक, दुक , ओनोड़हिया़ एमान।

(घ) दो़ल ला़ला़याक् ञुनुम :- ओका ञुनुम होतेते जाहॉंन जिनिस से आयमा होड़ जावरा आकान रेयाक् बाडायोक् ओना गे दो़ल ला़ला़याक् ञुनुम दोको मेताक् काना। 

जेलेका - भीड़, मेला, हा़टिया़ , पुंजी एमान।

(ङ) दो़रो़ब ला़ला़याक् ञुनुम :- ओकाटाक् ञुनुम दो सोङ, पा़यला़ , नाप तुला़ ते कार बारोक् काना से जाहॉंटाक् ञुनुम दो बाबो लेखा दाड़ेयाक्आ ओना गे दो़रो़ब ला़ला़याक् ञुनुम दोको मेताक् काना । 

जेलेका - सोना, चांदी, चावले, चिनी, तोवा एमान।

प्रश्न 2. संताली व्याकरण लेकाते "प्रत्यय" दो चेत् काना ? तिन: लेकाना ? 

उत्तर :- प्रत्यय से तायोम साबाद केचाक् दो ओना साबाद से साबाद ह़टिञ काना, ओकाटाक् दो साबाद तायोम रे जोड़ाव काते नावां साबाद बेनाव ओचोयेत् काना।

 जे लेका - लिया, या, इंच् , हिया एमान।

आयात बेवहार - 

1. उनी दो ओ़नो़लिया़ कानाय ।

2.  दो गा़थनिया़ कानाय।

3. उनी दो ओलोक्इच् कानाय। एमान 

संताली बेयान रे तायो़म साबाद केचाक् से प्रत्यय दो पोन हा़टिञ रे हा़टिञ आकाना :- 

(1) विभक्ति प्रत्यय

(2) कृत प्रत्यय

(3) तद्धित प्रत्यय

(4) जा़ती प्रत्यय 

(1) विभक्ति प्रत्यय :- कारक बाडाय ओचोवाक् प्रत्यय गे विभक्ति प्रत्यय दो को मेताक्आ।

 जे लेका - दो़, ये, ते, ला़गित् एमान।

आ़या़त बेवहार - 

1. उनी दो दाकाय जो़जो़म काना। 

2.  रा़नी दो रा़मू ला़गित् दाक्ए आ़गुयेदा ।

(2) कृत प्रत्यय :- काजनुम से बुटा़ तायोम रे ओकाटाक् प्रत्यय जोड़ाक् काना, ओना दो कृत प्रत्ययको मेता‌आ ।

जे लका- क्, ओक्, इच् एमान ।

आयात बेवहार :- 

1. होड़ो दारेक् काना ।

2. दारे रे साकाम सागेनोक् काना ।

3. उनी दो गाडी चालाक्लाबिच् कानाय ।

(3) तद्धित प्रत्यय- ञुनुम आर गुनुम मुचात रे ओकाटाक् प्रत्यय जोड़ाक् काना, ओना दो तद्धित प्रत्ययको मेता‌आ 

जे लका- तेत, आक्, इच् एमान ।

आयात बेवहार- 

1. ओसाराक् गामछा दो ओलोम हातावा ।

2. लाटुयिचू दादा गे हो हो वायमे ।

(4) जाति प्रत्यय- ओकाको प्रत्यय दो ञुनुम साबाद तायोम बेवहार काते ओना जुनुम रेयाक् जाती बाडायोक काना, ओना दो जा़ती प्रत्ययको मेताकूआ।

 जे लका - ई, आ, एंगा, आ़ण्डिया़ एमान ।

आयात बेबहार- 

1. गिडरी कुड़ी। 

2. गेडरा कुड़ा।

3.  मेरोम एंगा। 

4. सादोम आ़ण्डिया़ ।

Blogger home page site ka link 🔗https://sksanthalitrick.blogspot.com/